ان دورات التنظيم المنتشرة على النت أغلبها فاشلة و خصوصا المجاني منها الا من رحم ربي و هم نادرين جددددددددا
فأغلب ما ينشره مدعي الخبرة في التنظيم من دورات مجانية هي مضيعة للوقت حيث أنها عبارة عن دعاية لدوراتهم المدفوعة فقط .
فالتنظيم لا يحتاج الى دورات لأنه عبارة عن مهارة و عادة مكتسبة منذ الصغر عن طريق تقليد الكبار في المنزل لذا من السهل اكتسابها و بسرعة أيضا .
فمواقع الانترنت مليئة بالنصائح و الجداول العملية و المجانية بالكامل مثل موقع بنتريست مثلا و غيره الكثير .
 بصي بقى يا اوختشي انتي و هي الاول نمسك الربابة و نحكي القصة من اولها يا سادة كان ياما كان في سالف الازمان راجل فقير غلبان اسمه علي بابا  لا مش دي طب نقلب الشريط عالوش التاني بقى كان عندي عصافير و كنا جايبين لهم قفص اللي بيبقى كذا دور هو كان 3 أدوار زي ده كدة  وعلشان انا في اخر دور فالفيران اتسلوا عليهم واحد واحد اعاااااا لحد القفص ما بقى فاضي نوهائي فقلت استغله خصوصا اني كنت محتاسة في الكتب بتاعتي لانهم كتير لدرجة اني حطيتهم في أكياس و لما زهقت من حركة التنقلات اللي بعملهالهم كل شوية شيلتهم في البلكونة المهم بقى يا اوختشي منك ليها عملت ايه في القفص ؟ ماتيجو نشوف الاول فكيت الاجزاء اللي في الواجهة بتاعته ومارميتهومش ابسلوتلي لأ عملت بيهم الدور الرابع للمكتبة وبعدين دهنته باللون الدهبي وبعدما نشف دهنته بالورنيش علشان يحمي الدهان و ده الشكل النوهائي  و صورة كمان  نسيت اقولكم اني حطيت القاعدة بتاعت القفص تحت الكتب علشان المعدن مش يتقوس من تقل الكتب عليه ودي صورة بتوضح الرف اهو  صورة بقى من بعيد  انا حطيت المكتبة في اوضة النوم في الركن اللي بين لتسريحة و الكومودينو وأخيرا اتمنى ان الفكرة تعجبكم وماكونش دوشتكم عالفاضي |
كان عندي دوسيه من النوع السميك زي ده بالزبط  دي صور اخو المرحوم اللي حنشتغل بيه النهاردة نشمر و نتوكل على الله ؟ ياللا بينا الاول اعرفكم على المرحوم شخصيا 😄💚  نيجي بقى للطريقة اول حاجة عملتها قصيت علافين الدوسيه و نضفت الأطراف من التلفيات اللي كانت فيهم وحطيت الصور و ثبت الصور جوة غلاف الدوسيه باللزق الدابل فيس علشان مش يتحركوا جوة الغلاف
وبعد كدة بروزت الغلاف بالسلوتيب الأصفر زي كدة  وكنت بنضف الأطراف بالكاتر وبعد كدة زوقت البروازين بالفوم جليتر زي الصور دي   | |||
