ايه رأيكم في البورتفيه و جراب النضاترة اللي عملتهم من الفوم جليتر

ازايكم يا أجمل متابعين و متابعات
 بصوا بقى بعد ما عملت نضارتي الأخيرة المحل رفض يديني الجراب و عايز يحاسبني عليه لوحده بحجة اني اشتريت الشنبر من برة فقلت له مش عايزاه و أنا اللي حعمله

ندخل بقى على الشغل 

دي الحاجات اللي استعملتها بس الخرامة كنت عايزة أخرم بيها الفوم و مانفعتش 

الطريقة بقى أهي
 * أخدت المقاس على جراب النضارة القديمة * و دهنت الفوم بالورنيش اللي بندهن بيه بعد استعمال البوية علشان الجليتر ما يوقعش منه 

* بعد ما نشف الورنيش مسكت الاطراف بالكليبسات علشان الجانبين يبقوا مزبوطين بعد تثبيتهم 

 * خيطت الجانبين بالشريط الستان بعد ما حرقت اطرافه بالولاعة و استعملت في الخياطة ابرة ستان  و على فكرة مش بنعمل عقدة في شريط الستان زي الخيط لكن بندخل الابرة في الحاجة اللي حنخيطها او نطرزها بالستان و نثبتها زي الصورة 

# الخطوة دي نسيت اصورها مع البورتفيه لكن صورتها مع جراب النضارة

* بعد كدة ركبت الاسكوتش بمسدس الشمع

 * وده المنظر النهائي 

المفاجأة بقى اني بعد ما خلصت الجراب طلع كبير اوي عالنضارة

فخليته بورتفيه و بحط فيه الفلوس و الموبايل و باكو مناديل كمان و عملت جراب تاني للنضارة بنفس الطريقة و ده الجراب أهو